泰聚

营业中

休息中

見到新開，環境都唔錯，二人餐只需$498，都幾抵食ᴗ̈ 冬陰功湯個湯好足料，啲蝦好大隻已開邊，食起嚟更方便，飲落酸甜微辣，好濃郁😋有個爐可以keep個溫度，好飲好多！ᴗ̈ 柚子沙律好大份，柚子爽甜多汁，配搭香脆腰果，超正ᴗ̈ 小食拼盤有蝦餅、魚餅、春卷及雞卷，每款有兩件，唔會太油，蝦餅彈牙，有蝦味，最好食👍🏻ᴗ̈ 咖喱雞 拼 薄餅味道唔錯，濃濃的咖喱及椰香味，配上薄餅，好好食😋雞肉幾滑，仲有薯仔及彩椒ᴗ̈ 馬拉盞炒通菜炒得好有鑊氣，味道唔錯，幾好食，又唔會太辣ᴗ̈ 泰式甜品三款泰式甜品，整體都唔會太甜，結束完美的一餐💜呢個二人餐，性價比真係好高，服務都唔錯，值得一試