一日三餐 (已結業)

話說自從兄弟幫執咗笠之後好難再喺旺角搵返間性價比咁高嘅茶餐廳，如果你未試過一定要去試試一日三餐，保證唔會令你失望🥰平時多數喺度食開常餐同All day breakfast ，今次膽粗粗試吓黎食個晚飯二人餐，估唔到又幾好味喎！呢個豉油雞二人餐，有半隻豉油雞，一個自選小菜，一碟油菜，兩碗白飯同兩杯嘢飲非常抵食！豉油雞用左本地生產嘅悅和醬園頭抽，味道好有層次，唔會死咸，雞嘅肉質亦都非常鮮嫩，份量足半隻，抵讚👍🏻小菜方面我哋今次揀咗紅燒豆腐，分量一樣好足料，味道亦都可以媲美酒樓嘅出品，絕對唔似食緊一間茶餐廳嘅小菜。最後油菜就冇乜特別，以呢個價錢可以食飽兩個人而且味道唔錯絕對值得推介❤️