榮哥煮場 (已結業)

夜晚同男朋友黎左呢到食左個幾抵食既2人餐。$268包左一個煲、一款小菜、前菜、白飯同糖水！煲類有4款揀，係酸菜魚同濃湯花膠雞之間周旋左好耐😂，最後揀左有手指公推介既花膠雞。勁快就上菜！涼拌木耳幾開胃。花膠雞會有個爐熱住。首先飲個湯，都算濃，重點係食完無頸渴🫣。過左陣店員會行埋黎熄左個火，怕D雞肉會變老，幾細心。花膠口感爽口彈牙，雞肉點住辣椒豉油食又幾唔錯！柚子蝦球好香口，雖然唔係好大粒，但係有好多粒，柚子汁同蝦係分開，如果撈埋上碟應該更正！甜品係楊枝甘露，奶味重，芒果爆爆珠幾正。小店，店員既服務態度唔錯！都OK抵食！