小窩雞海南雞專門店 (已結業)

中午時間去食，無咩人唔洗等位！見到二人餐又幾抵所以就點咗！有半隻雞，六選一小菜，油菜，兩碗飯兩碗湯！入到去未點菜就先比兩碗湯我地！雞好滑！肉唔會太肥，有啲皮仲有少少啫喱狀係到！味道都唔錯唔會有陣味係到。而且係無骨，好方便！油飯都做得唔錯唔會太油膩。不過我食左兩啖就唔係有太多印象～六選一小菜我就要咗秘製豬扒。豬扒有兩塊，煎得好香口又醃得入味！唔會鞋或好硬。而且仲切成細細條，方便食！油菜就燙得偏淋⋯但唔係水煮，真係雞湯燙菜！仲有兩碗自家老火湯！