亞萊泰 (黃大仙中心北館) (已搬遷) 新店位置

同老公拜完黃大仙，就去附近的黃大仙中心食飯，之前朋友介紹北館有間亞萊泰，泰菜高質又好味，價錢唔貴。今日就去試下。餐廳地方整潔，裝潢設計好有泰國風格。見到有二人套餐，有齊小食、湯、主菜、蔬菜、甜品，想豐富一點，可以加50元有炒飯或粉，飲品重有半價優惠，咁低食，當然立刻下單！泰式小食拼盤(細)：有蝦餅、魚餅、雞肉丸、春卷。蝦餅炸得香脆可口，魚餅鮮味彈牙，春卷皮脆餡爽口，雞肉丸香草味濃。點些泰式酸甜醬，提升味道更美味！泰人大頭蝦冬蔭湯(細)：大大隻蝦好足料，味道酸酸辣辣，十分醒胃。泰式海南雞(半隻)：份量不少，雞已去骨，啖啖肉，皮脆肉嫩，配備三款醬料，各有不同的味道。馬拉盞炒通菜：炒得夠穫氣又惹味！甜品四件：椰汁千層糕、椰青大菜糕、椰汁西米糕、芒果椰汁糕，都是正宗泰式甜點，香甜美味。加50元泰式菠蘿海鮮炒飯：用料有新鮮菠蘿肉、蝦、腰果、肉鬆、提子乾、肉鬆。炒得夠香口，飯炒得粒粒分明又夠味。飲品半價，椰汁紅豆冰，椰汁香濃，不會太甜。