名苑酒家

营业中

休息中

母親大人想去啟德體育園逛逛週邊環境，一早搜尋了有咩啱佢食，就鎖定了這間名苑酒家，真的不錯啊！🔸紅燒脆皮乳鴿（買一送一）：見到呢個優惠當然要點，而且乳鴿一啲都唔算細隻，外皮烤到金黃酥脆，肉質鮮嫩多汁，仲帶有一陣陣香甜嘅紅燒醬味，抵食又好味。🔸蜂蜜柚子脆蝦球：蝦球炸得外脆內彈，柚子清新加上蜂蜜酸甜適中，清新解膩。🔸響螺海皇燉冬瓜盅：冬瓜盅裡面有好多海鮮，鮮蝦、元貝等等，燉得好入味，湯汁濃郁，冬瓜吸收咗海鮮嘅鮮味，基本上每一枱客都有叫呢。🔸宮廷杞子貴妃糕：呢款甜品賣相不錯，杞子嘅甜味同糕身融合得好，口感綿密，甜而不膩。