新肥泉海鮮大排檔

营业中

休息中

今日朋友话带我食放题，以为又系果啲大XX食日式刺身寿司果类，点知去到原来系大排档，真系够哂惊喜。地方虽然偏僻左啲，但估唔到都有唔少人帮衬，咁应该真系靠得住。黎大排档食就一定要试小炒，我地叫左椒盐猪扒、尖椒炒鸡杂、回锅肉、水煮鱼。椒盐猪扒香口惹味，猪扒够淋身，唔会好鞋口，配椒盐食简直无得输。猪杂牛杂就食得多啦，鸡杂真系好小餐厅有，所以忍唔住叫左黎试下。鸡杂里面有鸡肾、鸡肝、鸡肠，鸡肠系最特别，有咬口得黎又好香鸡味。回锅肉好够镬气，五花肉充满油香，椰菜爽口，增强口感同丰富左成道菜既层次。水煮鱼够哂辣，鱼肉嫩滑无骨，食得好过瘾，份量多到差啲食唔哂。