鐵板漁屋日本料理 (如心廣場二期) (已結業)

第二次黎呢間食，今次試火炙丼定食。有火炙丼，麵豉湯，沙律，飲品，甜品。火炙丼入面有好幾款食物，火炙三文魚，燒牛，火炙帶子，火炙芝士三文魚，海膽，魚子，蟹子，玉子。每款都好好食，新鮮👍🏻👍🏻而且份量絕對唔少，值回票價。個麵豉湯有驚喜，有隻蜆，而且大隻又好食，唔係一般用粉沖出黎的。👍🏻沙律太飽無食到，有生果同菜，應該係好食的，但實在太飽了。飲品好多選擇，凍熱都可以，我揀左熱柚子蜜，不錯👍🏻甜品係糯米糍，可接受。最後同事join左會員，埋單$56，好抵😆😆