茶樓 (已結業)

呢日女友喺PolyU上堂。上完堂去靚can睇有咩食，點知是日包場，結果我地決定喺PolyU嘅茶樓食個輕盈少少嘅晚餐。原來夜晚冇點心，唯有叫咗個豬手雲吞撈麵。好大碟，一貫大學餐廳風格，但質素合格嘅。豬手夠淋夠入味，好易骨肉分離。雲吞皮薄，入面餡有少少蝦，但隻味好似唔多新鮮。整體嚟講ok啦，不過茶樓最好都係食下午茶，點心質素普通但以價錢取勝。環境就真係每次嚟都有隻怪味，坐多陣都唔舒服，下次晚餐都係食其他。