梨滿園韓國料理 (已結業)

同朋友喺旺角睇完戲，突然間想食韓燒，朋友話呢間平平哋，幾抵食，食物都唔錯，咁就上咗嚟試吓啦，呢度地方就腳，都好易搵，而且上到嚟地方闊落，侍應姨姨全部都好友善親切！首先都會上左啲小碟前菜開下胃先我哋叫咗五花腩店員會幫我地切開咗先，佢哋建議我哋用生菜包住嚟食，夾埋韓式豆瓣醬，真係好邪惡！忍唔住食咗好多件！另外我哋仲叫咗韓式石鍋飯，加上韓式辣醬撈勻，熱辣辣，超級惹味！係有少少飯焦！脆卜卜！除此之外仲有人蔘雞湯，冬天飲呢個真係啱晒，雞入邊釀咗糯米，食落去煙煙銀銀，而且又充滿着雞嘅香味，而且份量都唔少隻雞好大，兩個人都食到超級飽！