加藤屋 (路德圍) (已結業)

今天來到加藤屋吃下午茶。雖然餐牌看似有超級多選擇，20幾個下午茶餐，咁多款揀好難揀；但是睇穿後其實好易揀：先揀一款餸肉（牛肉、雞扒、…）或者肉加野菜，然後揀主食（飯、麵、烏冬、米粉、…）咁就係個餐啦，然後配汽水。我揀左野菜雞扒烏冬配七喜。估唔到有四塊雞扒，最估唔到係個餐只係20幾蚊，認真抵食。雞扒肉質同味道唔錯，烏冬雖然普通貨色但都唔會好淋好差，配上野菜成碗烏冬個比例幾好，唔錯！另外雖然我冇叫到，但加錢的小食好似都幾吸引。期待下次再試下其他的配搭。