鳥久 (已結業)

去深水埗真係好多好野食本來諗住食附近越南野， 但係都幾多人排隊， 咁岩見到開左間新串燒鋪， 賣29 兩串， 呢個價錢真係抵， 而家平時街邊串燒都賣你十幾蚊啦入到去冇咩大油煙味， 坐得幾舒服， 會上個椰菜加味啫俾你點黎食， 餐前做個小小既前菜都唔錯， 椰菜好清甜， 食完仲可以再加點，串燒可以選擇鹽燒同汁燒， 都叫左幾款， 我自己偏好鹽燒多d, 因為香口d. 其中豚肉同雞肉串都好食， 雞肉有鮮甜味， 點埋蛋汁d 雞肉會好滑。 串燒款式唔算好多， 同埋食串燒都會想配酒， 但暫時見唔到有酒賣。