永發餐廳 (已結業)

星期日當然要同屋企人出街食餐下午茶，成日食埋曬啲快餐店，今次就一於反高潮，試下食茶餐廳下午茶。呢間茶餐廳都算幾乾淨，但明明隔離冇廁所，不過就唔知點解有陣廁所味，座位都算寬敞，坐落都幾舒服。平平哋，我就嗌咗個豬扒包，加埋凍飲37蚊咋。 至於個包皮都幾鬆脆，不過塊豬扒就油咗啲，食落就普通啦。凍奶茶茶味都幾香濃，少甜少冰都做得合適。家人就叫咗個咸牛肉芝士包 ，包皮同樣鬆脆， 咸牛肉同芝士配搭的絲絲入扣，非常惹味，個人覺得拍得住澳門嗰間世紀冰室，下次絕對可以再試。