芽莊 Canteen (已結業)

放假去V City行完, 又到左去醫醫肚嘅時候, 入左去呢間餐廳試下｡ 餐廳裝修到有點工業味, 非常特別｡ 5 點幾坐低左, 仲趕得切 Order 個下午茶套餐食, 套餐包小食、粉/麵/飯及飲品, 好抵食｡香茅串燒雞 🐓個串燒配左兜沙嗲醬, 而鐘意食沙嗲醬嘅我, 一條串燒已經俾我用晒成兜醬, 所以要叫店員俾多兜我 😋生牛肉湯粉個生牛肉湯粉入面嘅配菜有洋蔥同芽菜, 另外仲配左碟香葉、青檸 & 少少辣椒, 全部放晒入去碗湯粉入面, 浸佢一陣先再飲啖湯 牛肉沾上甜醬 +辣醬一齊食, 非常好味 咸檸梳打放左半個咸檸, 咸咸酸酸嘅梳打味道好特別｡