皇后冰室 (已結業)

做野做到無時間食lunch，一放工都已經3點3下午茶時間啦，出去旺角女人街求其搵間舖頭食個下午茶，呢間皇后冰室，裏面坐位不多，下午茶時間亦都唔算多人，可能係平日既關係啦。蘇格蘭煙三文魚蜆肉刁草忌廉汁炒天便麵天使麵都幾淋，但本身佢個質地都係咁，無辦法，煙三文魚好細粒，但都放得算正常份量，蜆肉都有返咁上隻數，忌廉汁唔會太杰身，意粉亦都唔會太乾，仲配返粒番茄仔同少許沙律菜作裝飾，味道唔錯，配埋個凍檸茶都係$4X，西餐下午茶來說，價錢算合理，份量都足。