茶A (已結業)

又到囡囡放學時間，前幾日佢想食「肉醬意粉」，所以帶咗佢去「茶A」，呢度嘅下午茶有肉醬意粉，仲係即叫即焗，所以囡囡好鍾意食。肉醬意粉面層有厚厚嘅拉絲芝士，內裏嘅意粉好多醬汁，所以唔會乾身，份量等同一個午餐，$46 有埋飲品，性價比都高。我就叫咗炸雞髀配黑松露薯條，黑松露醬係另外上嘅，如果小朋友更鍾意食茄汁，可以叫店員另外提供。炸雞髀炸到好脆，灑咗少少准鹽，幾惹味！薯條剛炸起，熱辣辣，好香脆！呢度啲下午茶都幾大份，性價比高！