影片
更多
2017-11-09
1970 浏览
上次黎過悅來坊先知好多野食, 今晚收工無地方去, 一於過黎呢邊食飯, 而且悅來泊車又唔貴.大人想食中式野, 所以黎左呢間食小籠包上海野.睇左MENU, D價錢都唔係好貴, 不過最抵食都係2人套餐, $238有6樣野.主要既小籠包, 粒粒都幾大隻, 皮薄唔太乾, 夾起亦唔易穿.入面既肉餡夠滑, 軟嫩入味.前菜有雞絲粉皮, 晶瑩剔透, 入口滑溜, 麻醬都幾多, 食落唔會乾爭爭.酸辣湯酸味較重, 辣都易入口, 材料又多, 每人一碗都幾飽肚.蔥爆牛肉炒得夠惹味, 牛肉夠滑, 而且片片都好大片, 食落唔會太咸.雞扒擔擔麵係分開上, 擔擔都就唔係好辣, 麻醬味好香, 而且夠杰. 麵質爽口彈牙, 每人都分到一整碗, 份量唔少.而雞扒都好脆口, 個皮唔會太厚, 亦唔算油膩.最後係甜品高力豆沙, 3件即整熱辣新, 體積唔算太細, 咬落好軟熟, 糖份剛好唔會太甜.餡既豆沙亦唔太甜, 配埋一齊食唔覺漏, 唔覺唔覺都食左兩件.食埋甜品真係飽到行唔郁, 2百幾蚊有咁多野食, 真係好抵.
大人想食中式野, 所以黎左呢間食小籠包上海野.
睇左MENU, D價錢都唔係好貴, 不過最抵食都係2人套餐, $238有6樣野.
主要既小籠包, 粒粒都幾大隻, 皮薄唔太乾, 夾起亦唔易穿.入面既肉餡夠滑, 軟嫩入味.
前菜有雞絲粉皮, 晶瑩剔透, 入口滑溜, 麻醬都幾多, 食落唔會乾爭爭.
酸辣湯酸味較重, 辣都易入口, 材料又多, 每人一碗都幾飽肚.
蔥爆牛肉炒得夠惹味, 牛肉夠滑, 而且片片都好大片, 食落唔會太咸.
雞扒擔擔麵係分開上, 擔擔都就唔係好辣, 麻醬味好香, 而且夠杰. 麵質爽口彈牙, 每人都分到一整碗, 份量唔少.
而雞扒都好脆口, 個皮唔會太厚, 亦唔算油膩.
最後係甜品高力豆沙, 3件即整熱辣新, 體積唔算太細, 咬落好軟熟, 糖份剛好唔會太甜.餡既豆沙亦唔太甜, 配埋一齊食唔覺漏, 唔覺唔覺都食左兩件.
食埋甜品真係飽到行唔郁, 2百幾蚊有咁多野食, 真係好抵.
张贴
