翁記上海館 (已結業)

最近係慈雲山搵到間抵食同好食既上海飯堂 無論叫客飯定還是小籠包擔擔麵等都非常抵食小胖女一向夜晚都有舖想食飯既心癮,所以去到坐低見到有回鍋肉同埋乾扁四季豆,都流曬口水話要食,小菜即叫即炒 可以加錢配白飯同豆漿,白飯仲可以轉做健康既菜飯 回鍋肉好大碟,唔算好辣炒得幾香,乾扁四季豆惹味得黎仲好夠鑊氣但食上海嘢冇理由唔叫擔擔麵同小籠包㗎嘛所以冒住飽到頂上喉嚨既風險都一定要叫小籠包同擔擔麵有套餐 五十蚊唔駛就有四隻小籠包同一大碗麵 味道仲要有返咁上下 送埋豆漿 難以置信咁抵食食埋個練奶銀絲卷做甜品 飽到不得了