和平飯店 (V Walk) (已結業)

第二次食和平飯店，之前一早訂了枱。平均味道中上，性價比高。不過略嫌比較嘈。雞絲粉皮，味道正常，唔會太少醬，份量大碟。松子魚，比我想像中大條，甜甜酸酸，啲肉唔會太實，味道適中。擔擔面，炸豬扒啲肉有少少乾，但未去到柴嘅感覺，味道普普通通。賽螃蟹，大大粒蛋白，好嫩滑，味道唔錯。小籠包，一籠有四粒，皮唔係太厚，但未去到好薄，冇咁容易穿，食落去勁多肉汁，但又唔會太鹹，好食。上海炒年糕，味道適中，年糕煙煙韌韌。豆沙鍋餅，唔係特別脆，但冇乜油。高力豆沙，炸到好鬆軟，不過太少餡料。五個人食，平均每人$16x .