影片
更多
2019-12-06
96 浏览
今日一家之主婦放假去玩,收工得我同老豆2個人餐枱腳,所以近近地去荃灣食老豆鐘意既上海菜.今日難得唔洗等位,2人位都幾舒服.上菜都幾快下,一黎當然要食返個鮮肉小籠包$38.1籠有4隻, 皮子較薄, 有1隻夾起因為黏蒸籠紙破皮, 之後都要好小心夾,湯汁微溫鮮甜,內餡豐富不油膩.排骨擔擔麵$65我地仲加左$5轉淮山麺,好大碗,湯底有少少辣,唔會太杰身,食落仲有濃郁既花生醬香味,淮山麺麵質比一般麺條爽彈不腍,排骨炸得很脆,略嫌肉質有點硬,下次可以只叫擔擔麵樟茶鴨(配蝴蝶餅)-半隻$158終於到主菜,老豆睇菜單個陣就話要點黎試試.樟茶鴨由十幾種調味料調製,再用樟木屑及茶葉燻烤而成.半隻份量都相當十足,入口有一陣樟茶香味,鴨皮酥脆,肉質鮮嫩,配埋蝴蝶餅食更添風味.擂沙湯丸$30一碟有4粒,湯丸面層灑上滿滿既黃豆粉,外皮煙韌軟糯,內餡係微暖既黑芝麻,入口有陣黑芝麻香氣,淡淡既甜味,連老豆都唔覺得膩.
今日難得唔洗等位,2人位都幾舒服.
上菜都幾快下,一黎當然要食返個鮮肉小籠包$38.
1籠有4隻, 皮子較薄, 有1隻夾起因為黏蒸籠紙破皮, 之後都要好小心夾,湯汁微溫鮮甜,內餡豐富不油膩.
排骨擔擔麵$65
我地仲加左$5轉淮山麺,好大碗,湯底有少少辣,唔會太杰身,食落仲有濃郁既花生醬香味,淮山麺麵質比一般麺條爽彈不腍,排骨炸得很脆,略嫌肉質有點硬,下次可以只叫擔擔麵
樟茶鴨(配蝴蝶餅)-半隻$158
終於到主菜,老豆睇菜單個陣就話要點黎試試.樟茶鴨由十幾種調味料調製,再用樟木屑及茶葉燻烤而成.半隻份量都相當十足,入口有一陣樟茶香味,鴨皮酥脆,肉質鮮嫩,配埋蝴蝶餅食更添風味.
擂沙湯丸$30一碟有4粒,湯丸面層灑上滿滿既黃豆粉,外皮煙韌軟糯,內餡係微暖既黑芝麻,入口有陣黑芝麻香氣,淡淡既甜味,連老豆都唔覺得膩.
张贴
