尚點 小籠包.上海菜館 (悅來坊) (已結業)

荃灣悅來坊成都會去，因為行吾洗十分鐘就到，今次就試食上海菜先……餐牌寫左小炒星期一至四有7折都幾平，當然冇放過食小炒啦。待應好快比茶，而桌面已有餐牌同推介紙，今次我地每款叫少少試下，份量多到差點吃不完，質素吾錯坐得舒服，會下次再想黎食過。金黃蟹粉小籠包……好香蟹味喎，而係面勁多湯要小心！皮薄餡吾少，配上醋同薑絲味道增加吾少。自選涼菜，拍青瓜，四喜烤夫，雞絲粉皮，鎮江排骨……好開心併晒我想要食物，青瓜帶蝦味幾特別，鎮江排骨味道濃郁帶微溫好味，另外2款都吾錯，特別講粉皮花生醬味都幾重……正回鍋肉……味道濃郁，材料豐富，帶點微辣 ，肉夠大片有少少肥膏但煮完只覺香口而吾會覺得肥同油，菜吸晒味十分好食，如果叫多個白飯送就仲正添。酒香芥蘭……可選吾同煮法，我就選擇酒香，有點酒香加火腿香煮芥蘭，芥蘭新鮮而夠脆口，整體清得黎又吾會冇味。上海粗炒……份量多而配菜都好入味，味道吾錯。豆漿……有凍熱選擇，岩晒我同佢鐘意一凍一熱，而豆都幾香添。