上海小籠皇 (已結業)

用餐時間（2:32pm tea）follow@wojengyea/@wo!正嘢 for more food info🐒 支持我哋發掘更多美食 😋附近每枱都叫上海粗炒🍝，但望落感覺比較油，所以叫咗個四川擔擔拉麵試吓。飲啖湯先，好正嘅擔擔面湯底，食得出有落花生醬🥜，亦都有炸咗花生粒，加咗花椒油🌶️好香，只係略嫌麵條比較軟同淋身。小籠包（兩隻🥟🥟），通常跟餐小籠包小食都好hea，但呢個真心好食，夾起個小籠包見到啲湯汁好多。唔知係咪師傅手勢好，佢其中一隻個尖啄咁啱有一個窿，唔使咬開都可以俾我吸到啲湯汁，湯汁都好鮮味，吸完同湯汁再加醋去食，冇得頂！🥢天氣凍飲杯熱豆漿🥛，佢個豆味好濃又晤太甜，而且夠晒熱，飲完個人暖笠笠。星期六日另收加一服務費，平日嚟仲低食💵