影片
更多
2017-03-30
476 浏览
本來想試新野，不過今日遲左出黎，附近太多人，間間都冇位，行下行下就嚟咗呢間排骨店門口，同事話幾好食既，老闆又話唔使等好耐，就試下啦~企咗門口大約五分鐘，已經諗定想食咩啦~我哋一行四人，入咗去畀咗張圓枱我哋，望望餐牌，其實佢任佢點配搭都得㗎。雲吞配排骨又得，紫菜捲配排骨又得，菜膽配牛肉又得，你諗到嘅就可以配俾你啦~菜膽牛肉雲吞麵 - 牛肉其實係牛展，我幾鐘意食，同台灣麵既牛展差唔多。雞翼麵 - 雞翼炸得好香口，脆得黎唔油膩排骨麵 - 排骨炸得外脆肉軟，唔怪得係招牌之作總括黎講，份量都幾夠，男人食都飽，$40左右有碗有質素既上海麵算好抵，會經常黎~
张贴
