壹碗壹碟 (已結業)

朋友話新店開張嚟試下。地方細細，得20個位，好彩外面有瓦遮頭，排咗陣隊就入得QR code落單。我碗三餸烏冬($39)係揀咗墨魚丸、白蘿蔔、手工韮菜餃，所以個樣白雪雪，好似無乜睇頭。不過，重點係張相最中間果pat好似日本山藥泥咁嘅物體，聽老闆介紹先知道原來係【自家秘製蒜蓉醬】！攪拌入豬骨湯就成碗都好香，畫龍點睛呀：味精：墨魚丸正常，白蘿蔔偏淡，手工韮菜餃好香，皮薄餡靚。－－聽朋友講話佢碗椒積豬扒拉麵都幾正幾惹味，下次嚟會試埋避風塘系列。