新齋橋 (已結業)

今日喺觀塘做完野約埋另一半一齊食飯路過見到樓下有間叫新齋橋嘅燒肉店望下個menu 都見啱食同埋間餐廳應該新開張冇耐最近又愛上食燒肉就入去食啦入到去，餐廳面積都好大侍應由得我哋隨便坐坐低後就掃QR code 落單我先點個牛板腱肉定食另一半就點個極上牛小排定食落單得好快就上菜每個定食都有一份肉，一碗沙律，一碗麵豉湯，同埋一碗白飯侍應上菜時會好細心地將啲飯同沙律面向食客個邊呢個細心位真係加分牛板腱肉定食極上牛小排定食定食嘅牛肉好靚，望落冇咩肥膏待爐頭燒紅就放肉上去個爐頭有個吸風位，可以吸走啲油煙再加埋餐廳通風同埋冷氣都好足夠食飽後都冇油煙味值得加分牛板腱肉好有油香牛小排就肉味濃而餐廳又有幾種醬汁可以揀麻麻地辣嘅我哋就選擇咗原味燒肉汁同埋蒜香燒肉汁兩種汁都跟燒肉好襯撈埋落啲白飯度，一啖食哂真係好滿足個定食嘅份量剛剛好兩個人食哂就啱啱夠飽又可以滿足到食燒肉嘅癮以呢個價錢食到呢個定食，性價比高侍應態度親切有禮會主動跟其他食客介紹menu餐廳環境乾淨企理唔會好似其他燒肉餐廳咁周圍都係油漬餐廳無論枱到坐位都好乾淨會繼續幫襯