大戶川·小火鍋 (已結業)

今晚黎紅磡搵食，見倒呢間新開一人火鍋幾過癮😋餐廳有整定啲套餐俾選擇困難人士，或者大家想單點都可以。自助調味吧👍🏻嘻嘻哈哈｜蕃茄龍蝦湯底配安格斯肥牛、豬腩片、滑雞肉、粟米、雲吞同雞髀菇。估唔到原來係小龍蝦🤣幾特別！安格斯肥牛牛味濃郁，肉質軟腍，所以之後再encore左多一碟😚平時打邊爐好驚食雞肉因為好大陣雪味，但呢度既雞肉好滑完全無雪味👍🏻輕輕鬆鬆｜老壇酸菜魚湯底配滑牛肉、豬頸肉、魚片、冬菇、木耳同魚片頭。湯底有小量酸菜、酸酸辣辣幾開胃，魚片好嫩滑😋滑牛肉鮮味十足！另外仲叫左鵝腸、牛栢葉、鴨血、牛橫膈膜、蜂巢豆腐同菜。鵝腸好爽口，仲痴左啲啲鴨肥膏，所以食落好香口🤤蜂巢豆腐係打邊爐必食，超索湯😍臨尾食埋個稻庭烏冬大滿足！如果唔夠飽仲可以出去自助任添白飯同米線！