譚仔三哥米線 (佐敦道)

今日係西九龍睇完煙花🎇行到出佐敦已經9點幾，好彩佐敦道呢間三哥仲未截單
見到有個一人晚餐嘅米線set🍜個餐本身已經配左雞肉同炸醬，仲有兩隻土匪雞翼同凍飲！一共先50蚊😳晚餐黎講超級抵啊！

我地一人叫左一個set，一如既往嘅好味，男仔都夠曬食
土匪雞翼雖然細細隻，但係香脆香口，兩隻唔夠喉😂

白桃烏龍都好飲，大大一杯，烏龍茶底，雖然冇得揀甜味，不過都係微糖嘅程度，仲有啲桃肉，唔洗加錢真係好抵！

咁啱個app有8折優惠卷，用埋先80幾蚊兩個人就搞掂個晚餐👍🏻