影片
更多
2018-07-25
179 浏览
是日同事last day，相約晚上食自助餐farewell，一大班人都唔知食咩好，為左迎合各位口味，我提議食自助餐。係開飯網見到有coupon，黎棕櫚閣西餐廳食晚飯，星期一至日都係＄378一位，包埋加一，可以坐成3個幾鐘，主題仲係「海膽、鵝肝、燕窩自助晚餐」。坐低無耐，店員就一人派一份海膽刺身蟹籽沙律，海膽入口一啲都唔腥，而且仲好甜。食完海膽之後，係時候開始食魚生啦，呢度嘅魚生款式好多，油脂分佈相當平均，厚切之餘入口仲好鮮甜，非常好味。食完刺身之後，係時候食海鮮啦，海鮮有海蝦、龍蝦仔、青口、蟹腳等等，選擇非常豐富，全部都鮮甜味美。由於太多野食，雖然見到沙律款式多，亦都好吸引，但係為左留肚食其他野，都無食到啦。熟食方面以海鮮為主，全部都好入味。燕窩龍蝦濃湯:燕窩龍蝦濃湯帶輕輕嘅龍蝦味，入口完全無苦澀味，口感相當香滑，間中仲食到有少少龍蝦肉添。香煎鵝肝:鵝肝入口即溶，油脂甘香，真係好好味，可惜為左要留肚食甜品，唯有食一件就收工。甜品選擇好多，除左有著名嘅movenpick雪榚同埋朱古力噴泉之外，仲有楊枝甘露，燕窩雙皮奶同埋燕窩奶白撻。當中我最喜愛嘅係燕窩雙皮奶，甜度適中,質感香滑, 令人一
係開飯網見到有coupon，黎棕櫚閣西餐廳食晚飯，星期一至日都係＄378一位，包埋加一，可以坐成3個幾鐘，主題仲係「海膽、鵝肝、燕窩自助晚餐」。
坐低無耐，店員就一人派一份海膽刺身蟹籽沙律，海膽入口一啲都唔腥，而且仲好甜。
食完海膽之後，係時候開始食魚生啦，呢度嘅魚生款式好多，油脂分佈相當平均，厚切之餘入口仲好鮮甜，非常好味。
食完刺身之後，係時候食海鮮啦，海鮮有海蝦、龍蝦仔、青口、蟹腳等等，選擇非常豐富，全部都鮮甜味美。
由於太多野食，雖然見到沙律款式多，亦都好吸引，但係為左留肚食其他野，都無食到啦。
熟食方面以海鮮為主，全部都好入味。
燕窩龍蝦濃湯:
燕窩龍蝦濃湯帶輕輕嘅龍蝦味，入口完全無苦澀味，口感相當香滑，間中仲食到有少少龍蝦肉添。
香煎鵝肝:
鵝肝入口即溶，油脂甘香，真係好好味，可惜為左要留肚食甜品，唯有食一件就收工。
甜品選擇好多，除左有著名嘅movenpick雪榚同埋朱古力噴泉之外，仲有楊枝甘露，燕窩雙皮奶同埋燕窩奶白撻。當中我最喜愛嘅係燕窩雙皮奶，甜度適中,質感香滑, 令人一啖一啖咁食到停唔到口，我自己都食左成3碗呀。
食左咁多野，當然係飲返杯熱檸茶消滯啦，除左咖啡或茶之外，仲有三款果汁俾大家任飲添。
埋單＄400都唔洗，可以食到咁多野，仲坐到3個幾鐘，都算幾超值呀。
张贴
