祥興記上海生煎包私房菜 (已結業)

土瓜灣因為有地鐵，租金上漲，好多傳統、地道茶餐廳、食店慢慢消失，取而代之是一些連鎖店。成日都見門口有好多人等外賣，今日趁住人地未放食晏就去試試。亞姐好仔細介紹有乜嘢食，更提示若落雨淋濕咗就唔好坐風口，以免凍親😀叫了一份一人午巿套餐，有兩粒生煎飽、酸辣湯、䓤油拌麵、豆漿。生煎飽：充滿肉汁，咬時小心飽內肉汁四濺，燙口，可能會弄汚衣服。個人覺得今次個生煎飽個底硬了一點，但好香口。豆漿：甜度適中，豆味濃郁。酸辣湯：材料十足，個人覺得酸了一點。蔥油拌麵：份量十足，麵質淥得剛剛好，爽口又不太軟，麵上有一小堆梅菜（唔記得問亞姐係乜？但食落似梅菜），加上葱油鼓油撈一撈。一流！好滿足😋