影片
更多
2021-12-02
70 浏览
Elements屬於高消費商場，難得天天海南雞喺呢個場嘅分店仍有抵食套餐推出，今晚就黎捧下場。套餐包咗一個沙律、兩碗燉湯、海南雞、二人份嘅油飯、黃金雞軟骨、鴛鴦菜花同豆腐花兩碗，整體水準唔錯，熱葷尤其惹味。沙律有士多啤梨、無花果同石榴，仲灑咗唔少山楂粉喺面，第一啖食落去係真係幾酸，但當其他菜都上埋嚟，而佢地又相對濃味嘅時間，呢個沙律就顯得啱啱好～燉湯係螺片燉雞湯，濃味但飲完唔覺頸渴，相信係真材實料。海南雞嘅擺盤幾靚，肉質都合格，油飯真係好大鍋，兩個人食係超飽肚。鴛鴦菜花用叁巴醬去炒，十分惹味，菜花熟度啱啱好，唔會過老，雖然食緊菜但好似食肉咁開心。黃金雞軟骨相信係最邪惡嘅一道菜，啲鹹蛋黃包住雞軟骨去炸，難得嘅係食落唔算太膩。甜品嘅豆腐花相對黎講只可以話不過不失，剩係食前面嘅菜式都值回票價。
套餐包咗一個沙律、兩碗燉湯、海南雞、二人份嘅油飯、黃金雞軟骨、鴛鴦菜花同豆腐花兩碗，整體水準唔錯，熱葷尤其惹味。
沙律有士多啤梨、無花果同石榴，仲灑咗唔少山楂粉喺面，第一啖食落去係真係幾酸，但當其他菜都上埋嚟，而佢地又相對濃味嘅時間，呢個沙律就顯得啱啱好～
燉湯係螺片燉雞湯，濃味但飲完唔覺頸渴，相信係真材實料。
海南雞嘅擺盤幾靚，肉質都合格，油飯真係好大鍋，兩個人食係超飽肚。
鴛鴦菜花用叁巴醬去炒，十分惹味，菜花熟度啱啱好，唔會過老，雖然食緊菜但好似食肉咁開心。
黃金雞軟骨相信係最邪惡嘅一道菜，啲鹹蛋黃包住雞軟骨去炸，難得嘅係食落唔算太膩。
甜品嘅豆腐花相對黎講只可以話不過不失，剩係食前面嘅菜式都值回票價。
张贴
