家賀屋刺身寿司專門店

蟹膏軍艦、天然真鯛、活赤貝係我食完呢餐既推介。其實佢所有魚生刺身都好好味，我係覺得呢幾款特別好呀，所以就特別係呢一度推介一吓!天然真鯛係白肉魚，清淡得黎有足夠魚味，點埋個醬油好能突顯白肉魚既鮮!呢個海膽蔥吞拿魚飯亦都好好，海膽堅新鮮，唔會有果陣唔新鮮既臭味!最喜歡就係呢個蟹膏軍艦，蟹味濃，入口好香，份量亦多，超好食，又抵食!呢個活赤貝真係名副其實-因為佢海水味勁重、爽口大件，唔點豉油，就咁輕輕點吓wasabi就好好食!