熊本 (已結業)

依間熊本...如果我過去港島區我就一定會走過去食.我上一年係灣係讀毅進,有一次無意中去港運城試下依間,一試愛上!!依D日式便當好多野,我自己就次次都係岩岩好食過晒成個便當,如果細食D既人應該食唔晒.
味道幾好,杯凍蜂蜜綠茶,正!!!有一日我試佢果個咖哩炸牛肉餅(唔太記得果名,因為佢D MENU日日唔同,好小重複).
果餅入面係牛肉加埋其他蔬菜而成,炸到好香,好脆~不過就油多左小小...但真係好好味,怕肥既朋友見過依個菜式都要試下!!佢D咖哩唔錯...聞落好香,食落去都微辣.
雖然佢一個便當都係$32蚊,一般既日式食物都係$30蚊樓下.但就唔會好似其他比較平既日式餐廳一樣,求求其其整D野俾你就算.熊本就真係俾左俾心落去整俾你食,果樣都唔會隨隨便便擺落一堆就算.
不過衰在佢係係美食廣場度,唔係自己一間鋪,所以多人果陣會嘈左小小,但個環境都OK
$40蚊落樓既價錢,又食過真係比較正宗既日式食物,我就極力推薦大家去依間^.^