嘩，真係好複雜，只係裙掛都分咁多種類......
我好簡單，旅行結婚都可以。
行到頭都大埋，要醫醫肚，見到呢間韓國餐廳好抵啵！
1
＄４８一個餐，有前菜、主菜、小食／沙律、飲品
仲要唔洗加一，真係抵到爛，邊到搵到？
免費既前菜都好俾貨，一共有成四款選擇：泡菜、海帶、菠菜、蘿蔔！
泡菜，夠入味！
我最鍾意呢個海帶，酸酸地，爽爽！
我自己本身唔愛菠菜！
清清味蕾，感覺唔錯！
ＫIMBAP
好多料架，不過可以多Ｄ麻油味,味道略淡!
牛拼盤韓燒
有牛筋骨、牛小排、牛舌、肥牛
牛小排、脂肪瘦肉交錯，又濃味！
牛筋骨就ＵＮ些既！
牛舌薄薄既，燒起無根無渣！
肥牛脂肪較多，最岩包住菜同蒜片同味噌醬一齊食最正！
估唔到有埋爐邊蛋、椒片、芝士架，真係好驚喜呢！
仲跟碗湯同飯，真係超抵！
梳打特飲（加＄６），去油脂，爽曬！
