影片
更多
2018-05-29
761 浏览
聽講呢間任食雞煲邊爐好味又抵食，喺朋友介紹下就book左呢日黎試下～咁岩撞正openrice訂座有折，5點入座7點前離座每位都係$107免加一，抵到爛呀舖頭坐落喺油麻地既內街，都花左少少時間先搵到。但舖面好大、樓高兩層，而且位置好闊絡，唔會坐得唔舒服之餘都唔會焗到成身邊爐味。飲品同雪糕櫃係自助式。另外都有熟食供應、日日唔同款，呢日就有炆牛腩、胡椒豬肚、咖哩魚蛋、酸齋、炸春卷等等。牛筋佔既比例較多，得兩成係牛腩，但食得出係有花時間炆定，幾入味，但有一兩舊肉質有少少韌。主角雞煲有唔同口味選擇，我地揀左濃汁椰子雞煲，加左椰漿湯底好濃郁，打到後期加左四五次湯都無稀到兩位用既雞煲得半隻，雞件位置唔太靚，唔厚肉，但肉質幾滑唔鞋，同椰漿味好夾。店員仲話有得一鍋兩食，一邊鐵板一邊邊爐，見幾得意當然要試試。但個鐵枝真心玩下就算，最後燒左幾塊牛都係放棄左，因為個器皿比較大，兩邊一齊整會受熱不均勻，而且鐵板燒同邊爐一齊食都唔係太夾食完雞煲出面仲有不同火鍋配料可以自己夾，菜類同丸類選擇唔少，肉類雞牛豬羊海鮮都有。推介：菠菜魚肉春卷（口感特別）、油墨菜、菠菜（新鮮+同湯底好夾掛汁力強）、羊肉（好鮮味夠羶）、肥牛
咁岩撞正openrice訂座有折，5點入座7點前離座每位都係$107免加一，抵到爛呀
舖頭坐落喺油麻地既內街，都花左少少時間先搵到。
但舖面好大、樓高兩層，而且位置好闊絡，唔會坐得唔舒服之餘都唔會焗到成身邊爐味。
飲品同雪糕櫃係自助式。
另外都有熟食供應、日日唔同款，
呢日就有炆牛腩、胡椒豬肚、咖哩魚蛋、酸齋、炸春卷等等。
牛筋佔既比例較多，得兩成係牛腩，但食得出係有花時間炆定，幾入味，但有一兩舊肉質有少少韌。
主角雞煲有唔同口味選擇，我地揀左濃汁椰子雞煲，加左椰漿湯底好濃郁，打到後期加左四五次湯都無稀到
兩位用既雞煲得半隻，雞件位置唔太靚，唔厚肉，但肉質幾滑唔鞋，同椰漿味好夾。
店員仲話有得一鍋兩食，一邊鐵板一邊邊爐，見幾得意當然要試試。但個鐵枝真心玩下就算，最後燒左幾塊牛都係放棄左，因為個器皿比較大，兩邊一齊整會受熱不均勻，而且鐵板燒同邊爐一齊食都唔係太夾
食完雞煲出面仲有不同火鍋配料可以自己夾，菜類同丸類選擇唔少，肉類雞牛豬羊海鮮都有。
推介：菠菜魚肉春卷（口感特別）、油墨菜、菠菜（新鮮+同湯底好夾掛汁力強）、羊肉（好鮮味夠羶）、肥牛（新鮮+肥瘦均勻）不推介：咖哩薯仔丸（無味+口感怪）、芝士丸（芝味唔重有啲假）、花膠（口感一般唔滑）
一百蚊鬆啲，以價錢黎講抵到爛，性價比極高，絕對會翻兜
好想試埋個酸菜魚同芝士雞煲
张贴
