老虎堂黑糖專売 (T.O.P This is Our Place)

呢間係銅鑼灣排到死，真係無人唔識，但企係銅鑼灣馬路邊排隊真係咪搞我。

早前見到旺中隔離新商場T.O.P.地下圍左版，將會開老虎堂，太開心，終於多一個機會買到。

當日咁岩無珍珠，只得波霸，咁唔洗諗，一杯招牌！呢類黑糖鮮奶，全部舖頭都係唔可以少甜少凍之類，呢間都一樣。

等左十幾分鐘，就有得拎，不過快都正常，一黎MK有太多呢類野飲，而大部分人都係飲招牌，店員keep住不停沖就得。

波霸厚鮮奶

$30

飲一啖，比例岩岩好，唔會覺得黑糖搶哂d鮮奶味，波霸好大粒，好有咬口，每一啖都好豐富，真心好飲，難怪咁多人排隊！！真係值得！