鴛鴦奶茶 (匯貿中心)

营业中

休息中

約咗屋企人夜晚食自助餐，但係又未食晏又未食早餐，餓到有啲瘋。咁就早少少出嚟食個下午茶先。你呢度就係想試去過熱香餅豬柳蛋。本身想去中大分店，因為嗰邊有薯寶，呢度就冇。不過因為順路咁就冇特別過中大。出到嚟啱啱好last order。雖然冇薯寶，但係粗薯條都唔錯，不過啲茄汁就稀咗少少。講返個熱香餅豬柳蛋，我覺得比起大型連鎖餐廳嗰個好食，一來個熱香餅甜啲，二來個豬柳蛋個蛋有少少脆邊又流心。呢間茶餐廳，我覺得杯齋啡真係幾好飲，好飲在於佢唔酸唔苦平衡得幾好。不過唔知呢個豬柳蛋熱香餅可以做到幾耐，不過下次都係要去中大店試埋個薯寶。