大門橫丁串燒手打烏龍麵店 (厚福街)

营业中

休息中

聽聞厚福街好多好嘢食，於是午飯去搵食，朋友特別介紹呢間日本串燒，一打開餐牌，不得了，四款任揀串燒加飯，都只不過$65，仲要即叫即整，熱辣辣，仲要包埋飲品。對住餐牌，款式多到令我有暫時嘅選擇困難症。雖然同一款食物，只不過不同烹煮方法，但係都非常吸引。餐廳嘅size屬於中等，可以坐到幾十人，當日都是滿座，所以等即要即整的串燒比較耐。不過食物上枱，就不得了，等得有道理。因為同朋友叫嘅食物唔同，又可以交換食，所以總共每人試咗八款食物。同場再加影，每碗有半粒糖心蛋，正！