影片
更多
2012-07-28
620 浏览
星期五即興即日訂位食buffet. 做緊7折. 如果早一日訂位就再有95折老實講, 預咗呢個酒店, 呢個價錢, 唔會係有咩勁正野架喇. 無期望就自然唔會太失望.呢排做緊日韓主題. 主熱食係日韓, 頭盤有大路野又有D日式小食如螺肉, 甜品亦都係大路野先睇睇頭盤三文魚刺身切得厚, 抵讚.凍海鮮有蝦有螺有小龍蝦. 蝦幾大隻下, 不過蝦腸都同樣地粗 ....小龍蝦, 係出差返國內食得多, 通常都係用濃味來僻腥. 凍食就覺得份外腥. 我寧願食大隻開邊龍蝦仔 仲有杯杯三文魚, 牛蒡沙津, 凍青口, OK嘅無試嘅有牛肉沙津, 薯仔沙津, 自助沙律吧, 等等熱葷對我來講唔多吸引, 石頭窩飯(當然無一人一個啦, 只係出面拿, 無石窩的), 牛肉炒粉絲, 秋刀魚等等, 引唔起我攞嘅意欲中湯, 無咩味, 無咩料. 咖哩雜菜, 可以啦. 銀鱈魚, 好老好鞋, 唔好食 ....即整的烏東, 豬骨湯無豬骨味, 丸丸唔好食, 豬軟骨又係好鞋.....(逆時針次序) 扇貝, 無味. 人參雞, 雞肉OK, 唔算好鞋, 不過真係極清淡. 炸蝦, 粉好厚, 蝦好瘦. 咖哩薯餅, 可以, 不過你係唔會因此而勁拿來填肚. 軟殼
老實講, 預咗呢個酒店, 呢個價錢, 唔會係有咩勁正野架喇. 無期望就自然唔會太失望.
呢排做緊日韓主題. 主熱食係日韓, 頭盤有大路野又有D日式小食如螺肉, 甜品亦都係大路野
先睇睇頭盤
三文魚刺身切得厚, 抵讚.
凍海鮮有蝦有螺有小龍蝦. 蝦幾大隻下, 不過蝦腸都同樣地粗 ....小龍蝦, 係出差返國內食得多, 通常都係用濃味來僻腥. 凍食就覺得份外腥. 我寧願食大隻開邊龍蝦仔
仲有杯杯三文魚, 牛蒡沙津, 凍青口, OK嘅無試嘅有牛肉沙津, 薯仔沙津, 自助沙律吧, 等等
熱葷
對我來講唔多吸引, 石頭窩飯(當然無一人一個啦, 只係出面拿, 無石窩的), 牛肉炒粉絲, 秋刀魚等等, 引唔起我攞嘅意欲
中湯, 無咩味, 無咩料. 咖哩雜菜, 可以啦. 銀鱈魚, 好老好鞋, 唔好食 ....即整的烏東, 豬骨湯無豬骨味, 丸丸唔好食, 豬軟骨又係好鞋.....
(逆時針次序) 扇貝, 無味. 人參雞, 雞肉OK, 唔算好鞋, 不過真係極清淡. 炸蝦, 粉好厚, 蝦好瘦. 咖哩薯餅, 可以, 不過你係唔會因此而勁拿來填肚. 軟殼蟹, 一般. 油味大於一切. 吉列豬, 好dry, 炸到無肉食. 吉列蠔, 蠔肉好細仲味道腥
每人送一件煎"和牛". 我就食唔出係咪和牛喇. 無咩味, 可能懶係要原汁原味掛.....不過是但啦, 有得食就食...... 甜品
平價Buffet通病, 永遠係最弱一環.
蛋糕同小點基本上件件都難食. 完全搵唔到宣傳提及的日本奶布甸. 小丸子綠茶蛋糕其實同小丸子無關, 又唔好食.桂花糕魚膠粉少, 好水漾, 震騰騰, 不過一味係甜, 唔香. 麵飽布甸一般啦. 朱古力噴泉只有3樣料你玩, 棉花糖, 菠蘿, 哈蜜瓜. 豆花望落就知係無特別
Häagen-Dazs 6味你選, 左起為朱古力, 士多啤梨芝士蛋糕, 咖啡, 士多啤梨, 雲呢那, 綠茶. 穩陣之選.飲品
自助飲品吧. 有咖啡機, 有凍咖啡凍茶熱水熱茶你斟, 有冰. 有沙冰機, 不過甜死你....
服務環境算係唔錯架. 環境其實OK, 坐得唔迫. 拿食物方便因為地方細...
埋單, $620.8. 即係$310.4一位. 晚市來講算平. 不過想想下其實都唔係好抵, 因為D食財無咩貴野. 試一次就夠. 未試過可以直頭唔駛來
题外话/补充资料：
原價現在至9月尾, 有7折, 早一日訂位再有95折
(以上食记乃用户个人意见 , 并不代表OpenRice之观点。)
张贴
