影片
更多
2008-11-18
10 浏览
慶祝太太考試成功，擦番一大餐啦！成日見綠茵閣嘅食評都話唔錯，就一於揀佢，北角區兼閒日夜晚，都有九乘滿，都有D信心。我係前排幫襯，佢哋做緊「法式情懷」，但係睇落所謂法式嘢唔多，似用D噱頭引客之嫌，不過，整體食物都係幾好！有D咩食唔詳細講，都係一般做所謂國際美食嘅自助餐咁，樣樣都有D，個人就比較欣賞有幾樣嘢：1. 餐湯 - 中湯係椰子煲雞，西湯就南瓜忌廉，兩個都好得，個雞湯好清潤，好香椰子味，所以試完一碗，臨走都整多一碗；而後者南瓜味勁濃郁，又算做得幾幼滑，不過，忌廉湯感覺易飽肚，只試一試個質素，只飲咗小半碗！2. 海鮮冷盤 – 凍蝦幾鮮甜，有蝦味，無話霉霉爛爛；翡翠螺幾爽，其他嘅青口同龍蝦仔都OK嘅！3. 熱盤 – 有幾款熱盤好正，個人心水有牛油焗帶子，雖然帶子唔大隻，但出嚟嘅效果好香牛油味，食落又唔會覺得好油，好肥！鐵板煎大蝦，又係另一個必食目標，每只蝦差不多有手掌咁大，蝦味未算好濃，肉也未算好彈牙，但大啖大啖蝦肉咁食，食得好爽快，雖然無限量供應，但煎蝦需時，要稍等；串燒帶子亦好食，隔住京蔥哩燒，幾夾；燒羊脾，唔太羶，易入口，肉夠晒嫩，所以亦有添食；白酒煮清口，味道唔會因為用白酒煮就好
1. 餐湯 - 中湯係椰子煲雞，西湯就南瓜忌廉，兩個都好得，個雞湯好清潤，好香椰子味，所以試完一碗，臨走都整多一碗；而後者南瓜味勁濃郁，又算做得幾幼滑，不過，忌廉湯感覺易飽肚，只試一試個質素，只飲咗小半碗！
2. 海鮮冷盤 – 凍蝦幾鮮甜，有蝦味，無話霉霉爛爛；翡翠螺幾爽，其他嘅青口同龍蝦仔都OK嘅！
3. 熱盤 – 有幾款熱盤好正，個人心水有牛油焗帶子，雖然帶子唔大隻，但出嚟嘅效果好香牛油味，食落又唔會覺得好油，好肥！鐵板煎大蝦，又係另一個必食目標，每只蝦差不多有手掌咁大，蝦味未算好濃，肉也未算好彈牙，但大啖大啖蝦肉咁食，食得好爽快，雖然無限量供應，但煎蝦需時，要稍等；串燒帶子亦好食，隔住京蔥哩燒，幾夾；燒羊脾，唔太羶，易入口，肉夠晒嫩，所以亦有添食；白酒煮清口，味道唔會因為用白酒煮就好酒味，相反食落感覺好清新，青口亦煮得啱啱好，唔會好韌好似咬擦膠咁；野鴨胸配車厘子汁，鴨胸質素OK，係鍾意佢個汁，車厘子汁，甜甜哋幾得意；仲有羊架都值得一試！唯一失望嘅係無蒸魚食！
4. 甜品 – 睇落好似好多款，但今晚嘅甜品唔係好得，以我哩D甜品狂人真係感到有D失落，好彩無意有個開心大發現，就係佢哋有個糖水「竹蔗馬蹄」，好滋潤又唔太甜，仲有少少懷舊感，因為依家都好少見D老式糖水，再配埋幾粒煎堆仔，正！當然，佢哋亦有雪糕供應，係HD加雀巢，前者有咖啡、士多啤梨同曲奇忌廉，後者就有芝麻、朱古力同雲喱拿。一口氣一個人食晒三款HD口味，滿足晒咯！
其他食物，如沙律、魚生、生果、粉麵檔唔見得有咩特別，夠食力就不妨樣樣試勻，否則，都係重點出擊，咖啡茶就自助，服務都OK有禮貌，所以，同太太食得都幾開心，佢哋長期都有折扣，所以為起二百幾一個人，仲要係自助晚餐喎，抵食架！
张贴
