影片
更多
2011-03-09
79 浏览
同友人係附近行街行左一日。又肚餓又落雨,正係飢寒交迫加手緊之際,友人提議是但搵間M記搞掂。雖然對M記無咩好感,但人生路不熟,我唯有將就將就。行下行下。「咦,翠華WOR!不如食翠華啦!!」 又好,正當行向翠華之際「喂,食呢間韓國野好冇?」本住對朋友GE信心,我問都冇問就跟佢。抬頭一看,莊園韓國料理。我腦中霎時浮現出一位台灣"幻美男"莊圓大師的姿容......好,題外話到此為止。係連MENU都冇睇到GE情況下,我地就上左去啦。個日唔多人,唔洗等位就直接可以入座。睇落有D似家庭式小本經營餐廳GE裝修,舊舊地逼逼地,不過勝在環境乾淨舒服。加上冷氣開得大,隔離燒緊肉都聞唔到酒煙味。朋友一坐低即刻睇MENU,我掛住左望右望。過左一陣,友人突然壓低左聲線,神神秘秘咁同我講「喂...不如閃人囉!」「下?咩事?_?」「冇啊,你糧尾啊嘛!我驚你...」講完仲抓起個袋,一副想奪門而出之勢。唔係一個飯幾百咁大件事啊!我抓起個MENU一睇。嘩,真係幾百喎D燒肉。不過都有百零左右GE飯,我頭先SHOPPING有留手,而家勉強夠比自己個份。「哦~冇洗擔心,我冇事。咩你唔係食過先介紹我黎嫁?」「下我都係響OPEN R
行下行下。「咦,翠華WOR!不如食翠華啦!!」 又好,正當行向翠華之際「喂,食呢間韓國野好冇?」本住對朋友GE信心,我問都冇問就跟佢。
抬頭一看,莊園韓國料理。我腦中霎時浮現出一位台灣"幻美男"莊圓大師的姿容......好,題外話到此為止。係連MENU都冇睇到GE情況下,我地就上左去啦。
個日唔多人,唔洗等位就直接可以入座。睇落有D似家庭式小本經營餐廳GE裝修,舊舊地逼逼地,不過勝在環境乾淨舒服。加上冷氣開得大,隔離燒緊肉都聞唔到酒煙味。
朋友一坐低即刻睇MENU,我掛住左望右望。過左一陣,友人突然壓低左聲線,神神秘秘咁同我講「喂...不如閃人囉!」
「下?咩事?_?」「冇啊,你糧尾啊嘛!我驚你...」講完仲抓起個袋,一副想奪門而出之勢。
唔係一個飯幾百咁大件事啊!我抓起個MENU一睇。嘩,真係幾百喎D燒肉。不過都有百零左右GE飯,我頭先SHOPPING有留手,而家勉強夠比自己個份。
「哦~冇洗擔心,我冇事。咩你唔係食過先介紹我黎嫁?」「下我都係響OPEN RICE見過呢間野炸!我都未食過!」
FINE! 落單 !
我叫左"錦石頭鍋飯" , 朋友就叫左" 泡菜海鮮湯拉面" 。
岩岩落完單30秒左右,侍應就馬上上左D頭盤又放埋餐具,真係非常極速!!手腳俐落,值得一讚!
一共有8種小食做頭盤。都係一D好似係泡菜、芽菜、蛋沙律(?)、魚干、辣椒豆腐之類GE冷盤。我對韓式料理冇咩研究,我估係食燒肉個時用黎去油膩同開胃掛。因為以頭盤而言,泡菜魚乾味道太濃,容易搶左主菜GE味。大約8-10分鐘到,就已經上齊哂D食物啦,快到我地仲未食哂D頭盤。
侍應姐姐幫我兜埋個石頭飯呢一個服務實在係太好啦!!唔洗我笨手笨腳咁亂剷一通。佢仲會細心咁問下你食唔食得辣,唔食得會幫你落少D辣豆瓣醬。仲好細心咁拎左4個碗仔比我地(2道菜4個碗),等我地SHARE食個時D味唔會溝到亂哂。
石頭飯真係好好食,料同飯份量剛剛好,唔多唔少。而且D料同個飯好夾,唔會好似出面D石頭飯咁,料有料食,飯有飯食,又燶又痴底。個豆瓣醬又唔會太辣,帶少少泡菜GE酸好開胃!同埋時間掌握得好好,有小小香脆GE飯焦又唔係燶喎(黑色我一開始以為係燶左果D其實係海苔!),石頭飯呢家野果然係要專業GE先好食~對比係石頭飯,個湯面就顯得好普通啦。不過依然係非常足料咁面一半,海鮮一半。泡菜湯好紅,我初頭仲以為好辣。不過泡菜GE辣只會止於口,唔會落喉嚨,所以怕辣又想食GE人(例如本人)都可以放心咁食,飲番多D茶就OK。反而中意食辣GE朋友就有D失望啦,因為湯底紅色GE原因係因為入面加左蕃茄。蕃茄中和左一D辣味,湯底反而係微辣偏酸甜。可能各人口味唔同啦。我覺得幾好,不過朋友好似唔係幾LIKE咁。
食到八八九九果時會送4塊柑(定橙?唔識分@@)比你清下味蕾。埋完單仲會送一片香口膠比你去口氣。呢種細心GE態度係我幾欣賞GE!
是次埋單連加一一共$220,如果銀包鬆動應該好食得過。
张贴
