影片
更多
2021-01-31
96 浏览
2020年真係過得好快，眨下眼又到新一年啦，新一年我又有咩目標呢？今年我要食盡全香港嘅美食呀！抗疫真係抗到好攰，好耐無出街食飯啦，今日因為要去旺角辦年貨，所以順便黎位於西洋菜南街嘅「二鍋頭」食餐好。午市期間可以揀任食雞煲，任食火鍋，兩樣都任食，又或者任食雞煲羊腩煲同火鍋。由於怕雞煲太油，所以都係揀任食火鍋算啦。火鍋湯底有成八個選擇，部分仲比較特別，好似藥膳鍋同冬蔭公鍋。其實湯底都算係火鍋嘅主角，一個靚嘅湯底，淥出黎嘅野食都好味d。喜歡食蕃茄嘅我，毫不猶豫地揀咗「蕃茄薯仔濃湯鍋」，係未放任何食物落去淥之前，忍唔住先試一口，入口味道清甜，飲得出無咩味精。餐廳有大量醬油配料供應包括辣椒、炸蒜、蒜蓉、蔥、豉油等等。火鍋料方面，我地叫左各式各樣嘅肉類、海鮮，丸，餃，同埋蔬菜。肥牛／牛肉／豬膶／雞片：牛肉肥瘦均勻，肉質可口，簡直係無得頂呀。韓式泡菜餃／鳳城水餃／粟米：皮薄餡靚嘅泡菜餃子，泡菜同肉嘅比例剛剛好，鳳城水餃內包住大大小小嘅蝦仁，皮薄餡靚，非常飽滿，放入蕃茄薯仔湯底度吸入湯嘅精華後，真係好好味。粟米亦都好甜。帆立貝／青口／墨魚仔／粉絲餃：估唔到放題都會有海鮮食，呢度嘅海鮮都相當新鮮呀。冬菇
抗疫真係抗到好攰，好耐無出街食飯啦，今日因為要去旺角辦年貨，所以順便黎位於西洋菜南街嘅「二鍋頭」食餐好。
午市期間可以揀任食雞煲，任食火鍋，兩樣都任食，又或者任食雞煲羊腩煲同火鍋。由於怕雞煲太油，所以都係揀任食火鍋算啦。
火鍋湯底有成八個選擇，部分仲比較特別，好似藥膳鍋同冬蔭公鍋。
其實湯底都算係火鍋嘅主角，一個靚嘅湯底，淥出黎嘅野食都好味d。喜歡食蕃茄嘅我，毫不猶豫地揀咗「蕃茄薯仔濃湯鍋」，係未放任何食物落去淥之前，忍唔住先試一口，入口味道清甜，飲得出無咩味精。
餐廳有大量醬油配料供應包括辣椒、炸蒜、蒜蓉、蔥、豉油等等。火鍋料方面，我地叫左各式各樣嘅肉類、海鮮，丸，餃，同埋蔬菜。
肥牛／牛肉／豬膶／雞片：牛肉肥瘦均勻，肉質可口，簡直係無得頂呀。
韓式泡菜餃／鳳城水餃／粟米：皮薄餡靚嘅泡菜餃子，泡菜同肉嘅比例剛剛好，鳳城水餃內包住大大小小嘅蝦仁，皮薄餡靚，非常飽滿，放入蕃茄薯仔湯底度吸入湯嘅精華後，真係好好味。
粟米亦都好甜。
帆立貝／青口／墨魚仔／粉絲餃：估唔到放題都會有海鮮食，呢度嘅海鮮都相當新鮮呀。
冬菇／魚蛋／蟹捧／貢丸：
蟹柳一向都係我打邊爐嘅至愛，貪佢淥一陣就有得食，呢度既蟹柳夠甜，唔會淥一淥就散晒，應該係貴價貨。
冬菇煲過接近半小時後，吸收左香濃嘅湯真係格外好味。
自助飲品及甜品區：飲品有好多選擇，好似汽水，鴻福堂飲品同其他無糖飲品， 甜品方面仲有唔同口味嘅雪榚添呀！
埋單每人都係＄130左右，咁嘅價錢食到咁多高質數嘅食物，都算係性價比高呀。
张贴
