味千拉麵 (已結業)

呢間係老字號嘅拉麵店，想當年未有咁多拉麵品牌打入香港嘅時候，小妹細個間唔中就會去，而家都好耐無食過🍜，就入去幫襯下原來佢都有台式嘢飲，我點左🌟仙草奶茶～茶味香濃，同奶嘅比例啱啱好，唔會因為係凍飲而俾啲冰溝淡👍，如果仙草份量再多啲就好了😁今次食左二款小食🌟香煎蝦餅～口感一流，彈牙，配合泰式甜酸醬和沙律菜，好清新，好難得呢度食到泰式風味🥰🌟蒜片牛肉粒～因為佢係鐵板上，上枱要盡快食完，如果唔係去到後面，手肉就會太熟了！🌟豬軟骨拉麵～係佢哋嘅老字號招牌拉麵，配料夠多，有粟米、筍、海帶、木耳、糖心蛋🌟炸豬扒拉麵～呢款係新產品，豬扒超級大塊，大過我成個手掌😄，店家好細心，豬扒同拉麵分開上，咁就唔會淋👍