吉壽日本料理 (已結業)

今次秉承住食幾多嗌幾多既原則，少少地叫左一盤刺身😋 今次既刺身都好新鮮，特別推薦油甘魚同八爪魚，前者鮮甜甘香，後者爽口彈牙，每次黎都必食😆 雖然好多人話放題食壽司好蝕底，但自己每次都會想有啲白米落肚😂🍣 所以就叫左花之戀、鰻魚忌廉芝士卷同大蝦卷🤤 玉子小卷入口甜甜地但又細細粒唔會滯，係我至愛啊！🤩凍烏冬淋上沙律醬，酸酸甜甜好開胃，份量又唔會太飽🍜炸物今次值得一讚，熱辣辣上碟又炸得好脆，特別鍾意南瓜天婦羅，所以忍唔住encore左幾round🤩 串燒方面叫左牛舌同翠肉瓜，雖然望落去好似好多油咁，但係食落口又唔會太鹹，恰到好處👍🏻食到咁上下就出左去小食bar，順便行下落下嗝～ 鍾意壽司嘅我又比其中一盤吸引住，呢款壽司入面嘅材料比較素，主要有青瓜、蛋同埋蟹柳，再加埋沙律醬做點綴，食多幾舊都唔怕飽🍙 食放題最鍾意玩fusion，所以除咗壽司之外，仲拎咗章魚燒同埋葡撻🍢😆燒菠蘿都係我消滯既首選，酸甜多汁同解膩！🍍食到最後，緊係要去甜品櫃衝刺下啦😍 呢度有各式各樣嘅甜品，例如木糠布甸、啫喱、蛋糕等等，仲有得無限添食乳酪，完全係甜品控既天堂😍 總括來講，今次呢間放題符合預期，亦都好少甩單嘅情況，抵讚