上次經驗都覺得唔錯，今次可以試吓想食嘅小菜更覺得值得讚，所以寫下呢次食評。
冰鎮鮮鳳梨脆皮咕嚕肉 - 差唔多枱枱都會order，上枱時有乾冰做出仙氣效果，打卡就必然啦，大人細路都好似睇表演咁。味道方面一流，好脆好好味，老人家冇牙都食到。
滷水獅頭鵝片拼盤 - 都係好味，滷水豆腐好滑，鵝肉又唔會好肥，味道又唔會好鹹。
金牌脆皮炸子雞 - 皮脆肉滑
荔芋鴛鴦鴨煲 - 有驚喜，芋頭夠腍，鮮鴨同臘鴨都啖啖肉，有芋香又滑，臘鴨都唔會死鹹。
古法鮑粒鵝香荷葉絲苗 - 份量足夠，好香好好味
每味菜式都好出色，家人都食到😋😋😋👍🏻
