影片
更多
2021-10-14
186 浏览
放工落雨無阻小妹對品嚐美食既熱衷呢晚出到黎荔枝角，地鐵站一出就見到呢間裝修得充滿復古味既西班牙菜餐廳RUSTICO 職員安排左我地坐近窗邊位，隔住落地玻璃咁望出窗外雨境，即刻增添一份浪漫情懷望完厚厚MENU ，小妹同閨蜜揀左以下心水菜式脆炸鱈魚球配蜜糖泡沫炸到金黃色既cod fittero 本來帶微咸，配上打成foam 既蜜糖口感好似食緊棉花糖一樣，好特別西班牙辣肉腸汁鷹咀豆燴牛肚辣肉腸汁質地結身，重香濃肉味，屬小辣，牛肚煮得好林好索味，仲有小妹至愛既鷹咀豆，小妹忍唔住留返d汁去食下一味菜Bread Tomato 唔好睇佢係一塊普通多士，職員即場用有機蕃茄及蒜蓉壓上+塗抹面包上，最後加上初榨橄欖油，估唔到食落唔會好濕，蕃茄甜香從咀嚼面包過程中不斷滲出，小妹平時麻麻地食面包都成塊食哂黑毛豬海鮮飯貌相討好既海鮮焗飯，有虎蝦、青口、蜆同黑毛豬肉粒，主角焗飯煮得軟硬適中，秘製西班牙汁平均滲透每粒飯中，平板鐵碟容器相當保溫，同朋友傾足半粒鐘都未凍Iberico pork platter 伊比利亞黑毛豬拼盤由淡味至濃味三種肉片分類，仲有兩種醬汁比你揀，小妹就話3種味道都咁好味，西班牙黑毛豬既獨特芳
放工落雨無阻小妹對品嚐美食既熱衷
呢晚出到黎荔枝角，地鐵站一出就見到呢間裝修得充滿復古味既西班牙菜餐廳RUSTICO
職員安排左我地坐近窗邊位，隔住落地玻璃咁望出窗外雨境，即刻增添一份浪漫情懷
望完厚厚MENU ，小妹同閨蜜揀左以下心水菜式
脆炸鱈魚球配蜜糖泡沫
炸到金黃色既cod fittero 本來帶微咸，配上打成foam 既蜜糖口感好似食緊棉花糖一樣，好特別
西班牙辣肉腸汁鷹咀豆燴牛肚
辣肉腸汁質地結身，重香濃肉味，屬小辣，牛肚煮得好林好索味，仲有小妹至愛既鷹咀豆，小妹忍唔住留返d汁去食下一味菜
Bread Tomato
唔好睇佢係一塊普通多士，職員即場用有機蕃茄及蒜蓉壓上+塗抹面包上，最後加上初榨橄欖油，估唔到食落唔會好濕，蕃茄甜香從咀嚼面包過程中不斷滲出，小妹平時麻麻地食面包都成塊食哂
黑毛豬海鮮飯
貌相討好既海鮮焗飯，有虎蝦、青口、蜆同黑毛豬肉粒，主角焗飯煮得軟硬適中，秘製西班牙汁平均滲透每粒飯中，平板鐵碟容器相當保溫，同朋友傾足半粒鐘都未凍
Iberico pork platter
伊比利亞黑毛豬拼盤由淡味至濃味三種肉片分類，仲有兩種醬汁比你揀，小妹就話3種味道都咁好味，西班牙黑毛豬既獨特芳味果然零捨唔同
CHURROS
壓軸甜品係西班牙式油炸鬼Churros , 鬆化既churros 配上朱古力慕絲，香甜可口，原來慕絲食到底係vanilla 雪糕🍦，冷熱脆滑口感富於一身既甜品，為呢晚浪漫晚餐劃上完美句號
如想搵一間環境舒服，服務體貼，食物高質，交通便利既西班牙餐廳，RUSTICO 絕對係最佳選擇
张贴
