去到門口，望入去係一間長身的店舖，見到一張bar枱有2張高椅子，仲以為得個個位堂食，正在和朋友在外看餐單，男店員立即介紹可入內慢慢選擇並補充說怕我們在外面凍，入內後發現不止bar枱，入面有一個細位置放左2張高椅面向牆壁，另有2公園長椅子加一小盒子當桌子，中間就有一張小盒子組成的桌子加2張梯形椅子，地方比較細，如果真的有4組客人，相信都幾迫，如果在冬天有厚外套並加上袋應該比較唔方便，當天只有我們，所以並沒有以上問題。
雖說堂食位置不算舒適，但食物質素真的值得一讚！如果不多客人堂食，絕對值得一試。
我同朋友都係叫牛肉漢堡，先試吓普通的牛肉得唔得先，由於openrice有優惠我地買左優惠卷，$85買$100現金卷，我揀左牛肉漢堡跟$19 set加錢要埋要有氣水加埋要煎蛋，都唔洗再補錢！好抵食！現在呢類型漢堡一個餐要有包有野飲又有薯條最少大約要120蚊以上再加一。
朋友跟set無加錢飲齋啡，加配料大啡菇都只需補幾蚊。佢揀薯仔條，我揀番薯條。
先講漢堡，牛肉鮮嫩，多汁不柴口，我當初點的時候有d擔心，因為見佢有火箭菜係包入面，好易有苦澀味，不過一食就知擔心完全係多餘，2款菜都完全無苦，明顯夠新鮮！自家製的醬汁不會有膩胃感，好配合整體，不會蓋過原食材味道，好食！另加的煎蛋一咬爆汁，半熟蛋。
比蛋遮晒牛，再補相！影得唔好，不過質素真係幾好！番薯條同薯仔條都好香，外脆內軟！入面係滿滿的番薯同薯仔！唔係空氣條
正呀！
另一個係加大啡菇無蛋遮住版本，照到靚仔d。
不過完全忘記左，無問朋友個菇如何。
總結: cp值真係高，對得起價錢(即使係原價)，無收加一，所以係門口自己點自己取自己收餐即可。
員工態度友善有禮，在用餐途中一位員工回來只是剛好有眼神接觸也有點頭打招呼，有種舒服輕鬆的氣氛，也許是因為入面座位設計隨意的感覺，還是加上員工友善的態度。
另有大量素食漢堡可選擇，適合不同人士一齊食。
新開張，望期後能保持質素，推薦此餐廳，值得一試！
