點心到 點心.蒸飯 (已結業)

今日打風後預告中午落波要返工，早少少出門食啲野就開工。我想幫襯果間茶餐廳12點幾仲未開，於是上旺角新世紀食代館試下搵食，行左個圈揀左呢間點心，佢有好多幾吸引嘅點心，於是試叫兩籠，燒汁釀茄子&芥末咸水角。職員態度麻麻，唔想做咁，一邊玩手機一邊傾計又一邊落單，所以要重重覆覆咁落單，扣晒分。先講芥末咸水角，外皮夠脆，粉粘糯，略厚，餡用菇粒加微微芥末味，整體只算合格。至於燒汁釀茄子，睇見就流口水，食落有點失望，肉實，汁太多所以略咸，建議汁另上，隨食客喜好自己點燻點。總結: 唔好期望咁高，有機會我會再試下其他點心。