影片
更多
2017-11-17
75 浏览
去元朗食飯最鍾意就係去西菁街，今次行到街尾發現咗間新西餐（可能實在太耐無嚟😂 ）全落地玻璃外牆設計好grand，好浪漫咁🙈我地兩個人，就直接叫咗個二人餐，唔洗諗～頭盤：巴馬火腿伴蜜瓜第一次試又鹹又甜嘅頭盤，估唔到個味又幾得意！巴馬火腿大薄片包住蜜瓜，脂肪唔多，只有一條邊。鹹香味點到即止，咬落去嘅時候蜜瓜好juicy，啲汁mix埋一齊，鮮甜加上鹹香，好新奇👍🏻餐湯：黑松露野菌忌廉湯黑松露味唔算好香，可能比忌廉味蓋過咗少少。主菜一：輕煎北海道帶子南瓜意大利飯賣相顏色好吸引，帶子又大大粒😍南瓜味好香，幾creamy，配料好多，增加咗個口感！雖然係意大行飯，但都偏濕咗少少，如果乾身返啲會更好😋主菜二：香烤美國原隻野雞仔話明係香烤，就梗係個皮微脆又香口架啦😛雖然係野雞仔，但都幾大隻，一個人食一定夠晒飽！自己切開都唔會話好麻煩，幾厚肉～但入面嘅肉就無外層咁入面，自己點汁食都ok。肉質烤完都唔會太乾，仲幾多肉汁👍🏻好可愛嘅小雞脾😎咬落去啖啖肉，味道可以再濃啲！最愛粗薯條，掛住食其他野放到腍咗少少😢跟餐有咖啡或茶果汁（蘋果汁／橙汁），咖啡可以免費升級做意式咖啡，紅白酒則半價。我就揀咗蘋果汁，食到咁飽可
全落地玻璃外牆設計好grand，好浪漫咁🙈
我地兩個人，就直接叫咗個二人餐，唔洗諗～
頭盤：巴馬火腿伴蜜瓜
第一次試又鹹又甜嘅頭盤，估唔到個味又幾得意！
巴馬火腿大薄片包住蜜瓜，脂肪唔多，只有一條邊。
鹹香味點到即止，咬落去嘅時候蜜瓜好juicy，啲汁mix埋一齊，鮮甜加上鹹香，好新奇👍🏻
餐湯：黑松露野菌忌廉湯
黑松露味唔算好香，可能比忌廉味蓋過咗少少。
主菜一：輕煎北海道帶子南瓜意大利飯
賣相顏色好吸引，帶子又大大粒😍
南瓜味好香，幾creamy，配料好多，增加咗個口感！
雖然係意大行飯，但都偏濕咗少少，如果乾身返啲會更好😋
主菜二：香烤美國原隻野雞仔
話明係香烤，就梗係個皮微脆又香口架啦😛
雖然係野雞仔，但都幾大隻，一個人食一定夠晒飽！
自己切開都唔會話好麻煩，幾厚肉～
但入面嘅肉就無外層咁入面，自己點汁食都ok。
肉質烤完都唔會太乾，仲幾多肉汁👍🏻
好可愛嘅小雞脾😎
咬落去啖啖肉，味道可以再濃啲！
最愛粗薯條，掛住食其他野放到腍咗少少😢
跟餐有咖啡或茶果汁（蘋果汁／橙汁），咖啡可以免費升級做意式咖啡，紅白酒則半價。
我就揀咗蘋果汁，食到咁飽可以消下濟～
朋友叫咗杯Cappuccino，個杯好靚😍
最後仲有甜品😂
Cheesecake & Ice cream
味道有啲似白朱古力，比較硬身，唔係好smooth。
Cream Brulee & Ice cream
作為Cream Brulle嘅fans，得一兩啖真係唔夠喉。
蛋味偏重，唔係好平均😣
张贴
