影片
更多
2010-03-27
10 浏览
身為香港妹，都要因為朋友甲喺大坑造工程，至有一個冠冕堂皇嘅藉口去聞名已久嘅大坑搵食。上週六晚上九點幾，入到去已經又攰又餓，嗱嗱臨call朋友甲開飯。點知佢已經饑饉過度，自行解決，令我同朋友乙大失預算。我哋都要食晚飯，快快步走去想去好耐好耐嘅火車頭。記住，已經晚上九點幾，仲有約十個人排緊隊。好彩火車頭增設樓上雅座，二人枱十分鐘就有位。一坐低，有齊餐具，仲有一杯香草加青菜。我第一次去，唔知要嚟做乜。仲要餓到唔記得咗朋友乙戒食牛肉。朋友乙惟有叫豬扒乾撈檬。我見火車頭招牌湯河成個臉盤咁大，雖然好想試，只好轉攻second favourite生熟牛肉湯河。再加沙爹雞串、軟殼蟹凍卷及越南咖啡。豬扒乾乾檬：兩片成人手掌咁大嘅豬扒碟上，另加一碗乾檬及配料。朋友乙話好好味，檬粉夠爽、配料新鮮，撈大量魚露夠晒鮮味。生熟牛肉湯河：十里外都聞到牛肉湯香味，湯底熱辣辣鮮甜味濃，淨飲牛肉湯唔知嘅個一杯香草加青菜中有金不換！我落咗好多，好滑惹味湯濃好滿足！軟殼蟹凍卷：似壽司卷，個粉皮有啲乾、硬，而且與甜汁唔太配合，失望。沙爹雞串：order時waitress妹妹提醒我哋要等十五分鐘。等待係值得嘅，雞串即叫即整，好新
上週六晚上九點幾，入到去已經又攰又餓，嗱嗱臨call朋友甲開飯。點知佢已經饑饉過度，自行解決，令我同朋友乙大失預算。我哋都要食晚飯，快快步走去想去好耐好耐嘅火車頭。記住，已經晚上九點幾，仲有約十個人排緊隊。好彩火車頭增設樓上雅座，二人枱十分鐘就有位。
一坐低，有齊餐具，仲有一杯香草加青菜。我第一次去，唔知要嚟做乜。仲要餓到唔記得咗朋友乙戒食牛肉。朋友乙惟有叫豬扒乾撈檬。我見火車頭招牌湯河成個臉盤咁大，雖然好想試，只好轉攻second favourite生熟牛肉湯河。再加沙爹雞串、軟殼蟹凍卷及越南咖啡。
豬扒乾乾檬：兩片成人手掌咁大嘅豬扒碟上，另加一碗乾檬及配料。朋友乙話好好味，檬粉夠爽、配料新鮮，撈大量魚露夠晒鮮味。
生熟牛肉湯河：十里外都聞到牛肉湯香味，湯底熱辣辣鮮甜味濃，淨飲牛肉湯唔知嘅個一杯香草加青菜中有金不換！我落咗好多，好滑惹味湯濃好滿足！
軟殼蟹凍卷：似壽司卷，個粉皮有啲乾、硬，而且與甜汁唔太配合，失望。
沙爹雞串：order時waitress妹妹提醒我哋要等十五分鐘。等待係值得嘅，雞串即叫即整，好新鮮嫩口juicy。沙爹汁比較其他地方嘅辣啲，特別惹味。
越南咖啡：滴咗十五分鐘都只有半杯，加上煉奶好甜，最失望。
總結，為咗牛肉湯，如何唔駛排隊，我會encore！
张贴