吃扒 (已結業)

經開旺角，見到紫色門面實在好吸引💜同朋友一齊入去食午餐先！入邊嘅裝修都好古色風味，設計都好特別！最重要係呢度有鐵板嘅午餐，又平又抵食！香煎三文魚柳配椰菜花飯內有3塊三文魚，椰菜花飯其實都好特別～味道清淡配三文魚剛剛好👅鐵板雜扒餐內有魚柳、豬扒、雞扒、司華力腸，非常豐富！而且雞扒同埋豬扒都好厚身！我配咗洋蔥汁同薯菜。分量十足好抵食。仲有餐湯，麵包和甜品送。玫瑰蜜桃花茶花茶嘅味道實在清甜，配上蜜桃🍑好滋潤清甜。雪糕菠蘿冰真係好大舊雪糕，係雲呢拿嘅味道！而家夏天飲真係啱啱好。職員推薦我們下次食20cm吉列豬扒，見到隔籬枱都有食，非常厚身又大份！下次一定要再嚟試吓先。